Archives

» admin

ДугIа къабулай лъади

просмотров: 418 Опубликовано: автор: admin размещено в: Лъугьа-бахъараб | Оставить комментарий  

- Щиб цIакъ ццин бахъун вуго гурищ, лъица мун гьедигIанго «вахинавурав» МухIамадсултан?,иланги абулаго, саламги кьун аскIовго гIодов чIана сапаралдаса вусарав ХIажи. Гьесда лъалеб букIинчIо цебесеб къоялъ бокьалда цIаги рекIун МухIамадсултанил къайсвериялда

Малла Насрудинил цо-цо лъугьа-бахъин

просмотров: 747 Опубликовано: автор: admin размещено в: Лъугьа-бахъараб | Оставить комментарий  

ЦЦИДАЛАБ МОЦI КIал кквезе цо чанго къо хутIараб мехалъ, Малла Насрудин ун вуго росдал дибирасухъе кIал кида кколеб,-ан гьикъизе. Дибирас абун буго: – Рамазан моцI щвараб мехалъ, ккола кIал,–ан. – Рамазан моцI бачIараблъи кин лъалеб?–ан гьикъун буго Малла Насрудиница. – ЦIияб моцI бихьараб мехалъ, дуца кIал кквезе бегьула,–ян абун буго дибирас. – Гьедин бугони, цIияб моцI бихьичIого, кIал кквезе кколароха?–ян гьикъун буго нахъеги Малла Насрудиница дибирасда.

Вехь — Наполеон

просмотров: 13936 Опубликовано: автор: admin размещено в: Лъугьа-бахъараб | Оставить комментарий  

Цо магIарул росдал школалъул педагогазул тIолабго коллектив, жидер квалификация кутакалда эхеде борхун букIин чIезабураб экзаменги тIадегIанаб даражаялда кьун, гьелдаса рохиялъул асаралъ керен-ракIги цIун, цIикIкIараб гьира-шавкъалда гIагараб росулъе тIадруссун рачIунел рукIана. Музыка, кечI — кинабго букIана.

Башкир тайпаялъул гIака

просмотров: 36675 Опубликовано: автор: admin размещено в: Ургъун бахъараб | Оставить комментарий  

Дун доб заманаялъ ( ридиги тlад бугеб, тlopaxьги гъоркье ккараб ) Башкиразул ракьалда хlалтlулев вукlана. Гьенив вукIадго дир лъай-хъвай ккана цо бечедай башкиразул къоролайгун. Чорхолъанги цlакъ узданай, лъабго чияс къвал бан къвал сверуларей гlаданги йикlана гьей. Рокьул гучги чорхолъа тlубанго лъугlун гьечIоан элъул. Кинабго рокьул гьоркьолъаби лъачlониги, цо-цо жал ракlалда чlун ругоан жеги элда. Гьелъухъе рокъовеги къойилгогIадин шолаан дун, гьоркьов цеве сордо банги чloлаан.

ЦIодораб бахIри

просмотров: 16228 Опубликовано: автор: admin размещено в: Ургъун бахъараб | Оставить комментарий  

Рохьил рацIцIалъиялда лъугьараб гьитIинабго майданалда дандчIвана дида нижер росулъа чанахъанги цо къокъабго кваридаги бухьун гьес цадахъ бачун бачIунеб букIараб гьесул гьвеги. ЦIакъго хIалакълъун, битIахъе тIад тIом бакъвараб гIадин лъугьун бугоан гьеб. ТIубараб анкьица ургьибе квен ккечIеб гIадин, мугъзада рекIун бугоан чехь, хьабалухъагIучIал рукIана рикIкIине бажаруледухъ къватIире загьирлъун. ЦIакъго гурхIилеб хIалалъ балагьун букIана гьеб гIусазда гьоркьоб къараб гьан бикIун хадубги кIалдиб тун дица чIамулеб букIараб накIкIигъотIол гIаркьелалдаса бекараб тIеренабго гIучIалъухъ. Балагьидал, гьелъул беразулъ загьирлъулеб букIана гьеб пакъир ракъул гIазабалъул къорикь гIезегIан …

«Анжиялъул» цIум

просмотров: 57533 Опубликовано: автор: admin размещено в: Ургъун бахъараб | Оставить комментарий  

Цо нухалда футболалъул гIащикъасухъе, гIурусалъ абуни, фанатасухъе, цIум кквезе щвана. ЧIагояб, кIудияб цIум батана гIамал мекъаб, ццидалаб, цебе ккаралда гозо кIутIизе хIадураб хIинчI. ЦIудул бетIергьанлъун вахъарас байбихьана гIанкIал, цурдул, цогидаб чан кквезе ва жинда аскIобе босун бачIине гьеб ругьун гьабизе. Амма гьесухъе кквезе щвараб «гьаваялъул хан» гьедин бигьа-бикъаго инсанасе мутIигIлъулеб тайпа батичIо. Кинго кIолеб букIинчIо гьелда чанахъанасул мурад бичIчIизабизе. Жиндихъе щвараб чанги гьелъ жинцаго тIутIун балаан, тIаде щварав жиндир бетIергьанасулги гьурмада ругънал лъезеги нахъе къалароан гьеб чIухIараб хIинчI. Гьединаб тунка-гIусиялдаса …

Чехь бихъилин хIинкъана

просмотров: 16171 Опубликовано: автор: admin размещено в: Лъугьа-бахъараб | Оставить комментарий  

Хелекьуриса, мунагьал чураяв, МухIамадтIагьир ГIабдулбасиров лъаларев чи цебесеб гIелалъул магIарулазул ватиларо. Гьес бицана: «Дагагропромалул» бетIерлъун хIалтIулел соназ, Хасавюрт мухъалъул Сивухъ росулъ гIачиязул комплекс балеб бакIалде, МахIачхъалаялдаса кIудияб комиссиягун щвараб цо риидалил къоялъ, гьелъул бугеб хIал бала-гъалагьун хадуб, къаде какги базе, кваназегиян рикьа-рихун колхозалъул хIакимзабаз рокъо-рокъоре рачанила. Бихьа-таралъул хIасил гьабизе нахъоги конторалде руссине къотIигун.

ГIахьвалавги «дежурный» гьанги

просмотров: 79040 Опубликовано: автор: admin размещено в: Лъугьа-бахъараб | Оставить комментарий  

МагIарухъе нахъе гIадамал раччун бетIербахъи гьабулел шоперзабаз гIемерисеб хIухьбахъи Сагъи-кьотIа гьабула. Гьелъие багьаналъунги батила ихдалил къо гIадин къолощуцIол гьава-бакъ хисулеб ХIаригабурлъи бегизе ккейги, лъугIунго рахъунарел, чIамучIал ЛъаратIисезул свераби тейги, гьеб гIечIелъубе Садуса гъоркье КастIание бахъараб, Ралли-Даккар кIочараб нухдасан машина бачинги ва гьеб гуреб цойгидабги.ПалхIассил гIемерисел нухлулал как базе рукIа, кваназе рукIа, Сагъи-кьотIа лъалхъула.

Налъи лъугIуларо….

просмотров: 39431 Опубликовано: автор: admin размещено в: Лъугьа-бахъараб | Оставить комментарий  

Ракьа кIкIвиналде цебе цIудуца цин гIемер жоялъул хIисаб гьабулин абула умумуз. Гьединго абула, дармилъе лъугьиналде цин бухчаялъул бицалъи борцеянги. Гьединал бица-кициял лъаларев цо гьалмагъ щун вуго Хасавюрт базаралде чIужуялъе горде босизе. Берцин бихьараб гордил багьа-къадар кисаялда рекъарабги батичIого гьасул хIукму ккун буго гьебго шагьаралда, автослесарлъун хIалтIулев росуцоясухъе ине ва гьесухъа къарзалъе дагьаб гIарац босизе.

«Боря гьадает»

просмотров: 34206 Опубликовано: автор: admin размещено в: Лъугьа-бахъараб | Оставить комментарий  

Карейцазе мухьдахъ пер бахъизе хIалтIизе унги рукIун, гьениса тIад русунел цо эбел-яс щола Хасавюрт базаралде. ЦIияб-тIокIаб дармихъги балагьулаго базар къотIунел гьазда данде ккола цо цыганай. -Боря гадает! Боря гадает! абун зирхараб гьаракьалъ ахIделаго,хъатикь попугай-хIинчIги ккун ячIуней.