«Боря гьадает»

Боря гадает

Карейцазе мухьдахъ пер бахъизе хIалтIизе унги рукIун, гьениса тIад русунел цо эбел-яс щола Хасавюрт базаралде. ЦIияб-тIокIаб дармихъги балагьулаго базар къотIунел гьазда данде ккола цо цыганай. -Боря гадает! Боря гадает! абун зирхараб гьаракьалъ ахIделаго,хъатикь попугай-хIинчIги ккун ячIуней.

РачIайин пал тIамизе хIинчI биччазеян гьардезе лъугьуна яс эбелалда.
-Гьелъ цIакъ битIараб бицунин рагIанила жинда-ян. Вокьарасеги кьечIого, цойгидавги къабуллъичIого, рокъойго хутIарай ясалъулъухъги гIенеккун, гьеб кинин хIинчIалъ тIамулебан гьикъула эбелалъ.
Долъ дол кагътазда гьоркьосан цо кагъат бахъулин, долда хъван букIунин кинабго-ян абула ясалъги.

Гьаз кьураб гъурущги чантинибе ккезабун, доб хIинчIалъ бахъараб кагъат кьола цыганалъ ясалъухъе. Гьелъ кагъат цIализегIанго яхI гьабизе кIвечIей эбелалъ гьикъула щибин гьелда хъван бугебилан. Ясалъги абула
-ГIедал яс росасе кьеян хъван бугин гьалда-ян.
(ХIакъикъаталда гьениб щиб хъван букIарабали нилъеда щибха лъалеб)
— ВахI,хIинчIалъги гьедин абулеб батани жого ккеларин абун ягъа-яшарула кIудияйги.
Кодор рукIарал шагьи-параялде камураб тарабги босун,рокъоре щола. Заманго иналде ясги жиндиего бокьаралъуе росасе кьола.

Автор Сайгидахмед Ахмеднабиев
Фото коллаж М.Аварский


просмотров: 34210 Опубликовано: автор: admin размещено в: Лъугьа-бахъараб

Добавить комментарий

You must be logged in to post a comment.