Лъабго пикру…

просмотров: 6377 Опубликовано: автор: weux размещено в: Ургъун бахъараб | Оставить комментарий  

Пикраби

«ГIабдалзабазда гъорлъе ккедал гIакъиласги гIадалаб ххвел гьабизе ккола»
Гъ.ГъалбацIов.

Дун вукIана цо нухъалъ кIудияв хIакимлъун вищун жамагIаталъ. Дида ракIалде букIана дица дунялго тIегьазабилин гьанже, гIемер кумек гьабилин жамагIаталъе.
Дица чIезабуна цо къо, дихъе жамагIат бачIунеб, гьеб жамагIаталъе хIажалъаралъул бицине. Читать далее


Дица «Кандидат наук» абураб цIар диего балагьараб куц

просмотров: 6430 Опубликовано: автор: weux размещено в: Ургъун бахъараб | Оставить комментарий  

липовый кандидат

Цо гIелмияб цIар гьечIого рекъон гьечIила мунилан кIалъан вачIана ХIасанбеков Шамил рогьалил гIужалъ. КIиго нухъалъ ХIасанхIусеновасцин «гений» вугин нугIлъи гьабурав дудаса гьелъие мустахIикъав щивила вугев. Читать далее

Башкир тайпаялъул гIака

просмотров: 36676 Опубликовано: автор: admin размещено в: Ургъун бахъараб | Оставить комментарий  

Башкир тайпаялъул гIака

Дун доб заманаялъ ( ридиги тlад бугеб, тlopaxьги гъоркье ккараб ) Башкиразул ракьалда хlалтlулев вукlана. Гьенив вукIадго дир лъай-хъвай ккана цо бечедай башкиразул къоролайгун. Чорхолъанги цlакъ узданай, лъабго чияс къвал бан къвал сверуларей гlаданги йикlана гьей. Рокьул гучги чорхолъа тlубанго лъугlун гьечIоан элъул. Кинабго рокьул гьоркьолъаби лъачlониги, цо-цо жал ракlалда чlун ругоан жеги элда. Гьелъухъе рокъовеги къойилгогIадин шолаан дун, гьоркьов цеве сордо банги чloлаан. Читать далее

ЦIодораб бахIри

просмотров: 16229 Опубликовано: автор: admin размещено в: Ургъун бахъараб | Оставить комментарий  

ЦIодораб бахIри

Рохьил рацIцIалъиялда лъугьараб гьитIинабго майданалда дандчIвана дида нижер росулъа чанахъанги цо къокъабго кваридаги бухьун гьес цадахъ бачун бачIунеб букIараб гьесул гьвеги. ЦIакъго хIалакълъун, битIахъе тIад тIом бакъвараб гIадин лъугьун бугоан гьеб. ТIубараб анкьица ургьибе квен ккечIеб гIадин, мугъзада рекIун бугоан чехь, хьабалухъагIучIал рукIана рикIкIине бажаруледухъ къватIире загьирлъун. ЦIакъго гурхIилеб хIалалъ балагьун букIана гьеб гIусазда гьоркьоб къараб гьан бикIун хадубги кIалдиб тун дица чIамулеб букIараб накIкIигъотIол гIаркьелалдаса бекараб тIеренабго гIучIалъухъ. Балагьидал, гьелъул беразулъ загьирлъулеб букIана гьеб пакъир ракъул гIазабалъул къорикь гIезегIан мехалъ хутIун бугеблъи. Читать далее

«Анжиялъул» цIум

просмотров: 57534 Опубликовано: автор: admin размещено в: Ургъун бахъараб | Оставить комментарий  

Анжиялъул цIум

Цо нухалда футболалъул гIащикъасухъе, гIурусалъ абуни, фанатасухъе, цIум кквезе щвана. ЧIагояб, кIудияб цIум батана гIамал мекъаб, ццидалаб, цебе ккаралда гозо кIутIизе хIадураб хIинчI. ЦIудул бетIергьанлъун вахъарас байбихьана гIанкIал, цурдул, цогидаб чан кквезе ва жинда аскIобе босун бачIине гьеб ругьун гьабизе. Амма гьесухъе кквезе щвараб «гьаваялъул хан» гьедин бигьа-бикъаго инсанасе мутIигIлъулеб тайпа батичIо. Кинго кIолеб букIинчIо гьелда чанахъанасул мурад бичIчIизабизе. Жиндихъе щвараб чанги гьелъ жинцаго тIутIун балаан, тIаде щварав жиндир бетIергьанасулги гьурмада ругънал лъезеги нахъе къалароан гьеб чIухIараб хIинчI. Гьединаб тунка-гIусиялдаса хадуб хIанчIидаса чанго хIули камулаан, гьелъул бетIергьанасул гьурмада гIурччинаб даруялъ лъугьинарурал чIахIиял тIанкIал цIикIкIунаан. Эркенлъи хирияб хIинчI бичизеги намусалъ къабул гьабулеб букIинчIо. Гьедин рекъел гьечIеб кьалда, гIазаб-гIакъубаялда унеб букIана гьел кIиязулго гIумpy. Читать далее

ЩайтIанги васги

просмотров: 47189 Опубликовано: автор: admin размещено в: Ургъун бахъараб | Оставить комментарий  

ШайтIанги васги

Цо пуланаб къоялъ бахъанила шайтlaн къватlибе цадахъ васги вачун. Сапарги бухьанила цо бецIаб рохьобехун, ниятги букIанила васасда рохьил жанаварал рихьизари ва гьезул гIамал-хасият бичIчIизаби. Анила гьел рохьосан цо-цо сваканщинахъе чай гьекъезеги лъалхъулаго.

Цо заманалдасан гьезда данде кканила маймалак. Шайтlaналъ абунила васасда: «Гьале доб рохьил агьлуялдаго бищунго кlyдияб гlaбдал», — илан.
Анила дагьалги дорегlaн, бакканила рукlнисан къватlибе цер. «Гьале доб бищунго сихlираб жанавар», — илан абунила шайтlaналъ васасда. Дагьалъги дорегlaн рилълъанила. Читать далее

Сайгъат

просмотров: 25313 Опубликовано: автор: admin размещено в: Ургъун бахъараб | Оставить комментарий  

Подарок

Гьаб иш ккана некlo, ридиги гъоркьго бугеб, тlopахьги тlадго хутlaраб, магlaрулазда гьоркьор эбелал бахькъосалги гьечleб, коммунизмалъул заманалда. Гьебги гlезагlaн божизеги захlматаб къагlидаялда. Божичloгоги кин рукlинел, божулеб гlaдинаб ишги бугелъул. Живго гьанив бицен гьабулев чиги магlaрул мухъилав бахьикъос вуго.

Иш ккана Цlyнтla районалъул Сагьада росулъ, руччабазул годекlaнилан къедаги хъвараб цо авалалда 23 абилеб февралалда. Паша Къурбанил чlyжу Паризаца жиндирго вацгlaлав мадугьаласе -Хантуе Советияб Армиялъул къоги баркун кьуна «кlyдияб сайгъат» тукенчи Сагlидихъаги росун 75 кепкил багьаял бихьиназул шватаби. Кин бугониги «кlyдияб сайгъаталдаса» вохун-хинлъун лъугьана Ханту. Цо рахъалъ ургъелги ккана гьелъие данде кьезесеб сайгъаталъулги. Амма 8-абилеб март тlaде щвезегlaн щибго ургъел гьабичloго чlyн вукlaна. Читать далее

Церги борохьги

просмотров: 26000 Опубликовано: автор: admin размещено в: Ургъун бахъараб | Оставить комментарий  

Цер

Церги борохьги гьалмагъзаби рукIун руго. Гьазие цо къоялъ гIор бахун дорехун ине бокьун буго. Борхьица жинда лъин хазе лъаларин абидал, цараца мун жиндир габуралда жемейин, жинца бахъилин добехунилан, кIиябго гIурулъе лъугьанила. ГIор бакьулъе щолелъул борхьица царал габур данде къан, царал тату хвезе рекIанила.

Щибго хIал хисизе биччачIого цараца абунила: «Нилъ кIиялго гъанкъизехъин ругин дир гьудул, цо ахираб бер чIвазе бокьун букIанин дуда»-ян. Уйилан ккун борхьицаги бетIер царал гьурмада цебе баккизабунила. Цараца гьебсагIат гьелъул бетIер кIалалъ ккун, чIамизе бай бихьанила. Борохьги гарбидаса бичун ун, кIалдиб кковухъего гьелъул бетIергун цер гIурул доб рахъалде баханила. Читать далее

Ленин чIаго вуго

просмотров: 23408 Опубликовано: автор: admin размещено в: Ургъун бахъараб | Оставить комментарий  

Сахро

Гьекъолдизе бокьулев Сахроца киб бахчаниги рокъоб гIарац толарого, чIужуялъ цIорол банкаялъуб, тIад тIалъелги къан бокьоб ракулъ бахчун букIун буго. ЧIужуги рокъой гьечIого гьабулеб жо тIагIарав чи, бокьоса рак къватIиб рехула вукIун вуго.
Циндаго ракулъа цIорол банкаги, гьелда жанир анцI-анцI гъурщазул (цебесеб гIарац) Ленинги тIад вахъараб гIарацги баккун буго. ВахI, гьабго щиб гIаламатин, «Ленин чIаго вуго, щулаго вуго»- ян ахIулаанин цебе кечI, битIараб букIун бугин, ракулъги чIаго вукIун вугин гьавилан, гьениса гIарацги босун «Ленин чIаго вуго…»-ян кечIги ахIулаго Сахроца тукадехун нух босун буго. Читать далее