Чехь бихъилин хIинкъана

Чехь бихъилин хIинкъана

Хелекьуриса, мунагьал чураяв, МухIамадтIагьир ГIабдулбасиров лъаларев чи цебесеб гIелалъул магIарулазул ватиларо.
Гьес бицана: «Дагагропромалул» бетIерлъун хIалтIулел соназ, Хасавюрт мухъалъул Сивухъ росулъ гIачиязул комплекс балеб бакIалде, МахIачхъалаялдаса кIудияб комиссиягун щвараб цо риидалил къоялъ, гьелъул бугеб хIал бала-гъалагьун хадуб, къаде какги базе, кваназегиян рикьа-рихун колхозалъул хIакимзабаз рокъо-рокъоре рачанила.
Бихьа-таралъул хIасил гьабизе нахъоги конторалде руссине къотIигун.

Колхозалъул кIудияв бухгалтерасухъе гьоболлъухъ ун вукIарасда, гьалмагъас гьикъанила:
— Мунни кIудияв бухгалтерас цIакъ хьихьун ватила-ян.
— Вала гьудул, гьесул чIужуялъ, дир чехь бихъилин хIинкъун, гIемер цIакъаб жого кьечIо-ян жаваб кьунила асги.

АскIовго вукIарав дов бухгалтер, цо ведроги босун, шоферазде аскIов бензин кьеян вортахъанхъизе лъугьанила. Жидерго мацIалъ кIалалде рачIарал рагIабиги рикIкIулаго.
— Гьеб щай дуе-ян кьураб суалалъе.
— Бензинги тIад тIун юхIани гурого, щибха гьабилеб гьединай чIужуялъе-ян лъугьанила гьав.
ХIакъикъат хадуб тIатанила.

Гьал рокъор щведал, цIоро-гъорораб квенги цебе лъун гьасул чIужу чIедал, росас жидерго росдал мацIалъ абун буго:
— БухIараб квен щай гьабун кьолареб, гьанив гьоболги вугеб мехалъ-ян
— Гьеб кванани гьесул чехь бихъилин хIинкъунищ мун вугев- янги абун чIужу цееса ун йиго.

ТIокIаб гьабизе жо гьечIелъул, щвараб жоги кванан, конторалде щварал гьазда, дов гьоболас жиндир чехь бихъилин хIинкъун кьечIин гьасул чIужуялъ лъикIаб кваназе жоян абидал бичIчIанила Сивухъесда, гьев гьобол жидер росдал мацI лъалев чи вукIараблъи. Гьедин вортанхъилев вукIун вугила бензин цIехон.
— Дуе щибха гьоболас кваназе кьураб-ан гьикъидал
— Дие дежурный хайгун кьуна-ян бицунаан МухIамадтIагьирица.

Автор: СайгидахIмад АхIмаднабиев.
Фото-коллаж: Мухамед Аварский.


просмотров: 16173 Опубликовано: автор: admin размещено в: Лъугьа-бахъараб

Добавить комментарий

You must be logged in to post a comment.