Дица «Кандидат наук» абураб цIар диего балагьараб куц

липовый кандидат

Цо гIелмияб цIар гьечIого рекъон гьечIила мунилан кIалъан вачIана ХIасанбеков Шамил рогьалил гIужалъ. КIиго нухъалъ ХIасанхIусеновасцин «гений» вугин нугIлъи гьабурав дудаса гьелъие мустахIикъав щивила вугев.

Дунги гьечIищха «За любой кипиш, кроме голодовки» абураб къануналда рекъон гIумру гьабулев чи, Авантюристиланги абула цо-цояз гьадинал чиязда. Кваналел ратаралъул кванала. Рагъулел раталъул вагъула, хIалтIулел ратаралъуб хIалтIула. Гьекъолел ратаралъул…. гьекъолеб бакIалде ахIуларо дун гьаз, ахIаравани гьебги бажарулаан дихъаса.
Сапар бухьана тахшагьаралде гIелмияб цIаралда нахъ.

Цин гьединал цIарал щваразда гаргардана, щиб гьабизе кколеб кандидат вахъинеян.
ГIелмияб цIар щолеб рагIула, унгоги цо сунда букIаниги тIадчIун, гьелда тIад хIалтIи гьабун гуроха. Гьасул цо пикру босун, цогидасул цогидаб босун, цо хIалтIуда жанире гьел киналго чияр рикъарал пикраби данде гьарун. Жиндирго пикру батIаго хIажатго рагIуларо кандидат вахъине. ХIажалъулеб буго цIогьоди, чияр пикраби рикъизе лъай, ва дагьал шагьи-кепкал.
Лъазабуна росдада, росулъе газ бачине гIарац бакIареян. БакIарана. Пакетал цIун гьеб гIарацги босун Назимги вачIана (бащадаб жиндиего тун батила гьениса хIалихьатица). Гьебги босун дун гьанжеги шагьаралде. Щвана ДНЦ РАНалъул рагьдухъ. Дица чидар рикъарал пикраби хъвараб хIалтIиги кьуна гьенибе, гIарцул цIурал пакеталги кьуна. Хадубги дида нахъ гьенивего цо-кIигойгиявги цIазе рагIиги кьуна.

Гьа, гьале гьанже дун кандидат наук ккана.
Дунни гIабдал вукIана, мисалалъе босани МахIмудил хIакъалъулъ диссертация хъвазе ккани, цин ХъахIабросулъегIаги щвезе кколин. Ялъуни тарихияб хIалтIи гьабизе ккани, архивал тирун гьелда тIасан материал балагьизе ккелин.
ХIажатго букIун гьечIо! Чидар пикрабиги хIалтIабиги рикъизе лъани гIолеб букIун руго…
Гьединлъидал дицаги зарал букIинарин цоги цIарги балагьун тана «Заслуженный мучитель РФ» ян абурабги.
Вассалам ГIабдусалам…


просмотров: 6431 Опубликовано: автор: weux размещено в: Ургъун бахъараб

Добавить комментарий

You must be logged in to post a comment.