Ленин чIаго вуго

Сахро

Гьекъолдизе бокьулев Сахроца киб бахчаниги рокъоб гIарац толарого, чIужуялъ цIорол банкаялъуб, тIад тIалъелги къан бокьоб ракулъ бахчун букIун буго. ЧIужуги рокъой гьечIого гьабулеб жо тIагIарав чи, бокьоса рак къватIиб рехула вукIун вуго.
Циндаго ракулъа цIорол банкаги, гьелда жанир анцI-анцI гъурщазул (цебесеб гIарац) Ленинги тIад вахъараб гIарацги баккун буго. ВахI, гьабго щиб гIаламатин, «Ленин чIаго вуго, щулаго вуго»- ян ахIулаанин цебе кечI, битIараб букIун бугин, ракулъги чIаго вукIун вугин гьавилан, гьениса гIарацги босун «Ленин чIаго вуго…»-ян кечIги ахIулаго Сахроца тукадехун нух босун буго.

Бакъанидехун лъикIго цIа-махалда рокъов Сахро вачIиндал щаклъарай чIужу, бокьой яккизе индал гIарац жинца таралъуб батун гьечIо. ЯчIун росасе питна гьабун буго, гIарац нахъе кьечIони жинца милициялде лъазабилин.
Агьа, айин абунила Сахроца, доз Ленин ракулъ лъурай мунго лъелин жаний. Уйилан ккун дойги сихI тун чIун йиго.

Автор СайгидахIмад АхIмаднабиев
Сурат Ума МухIамадова


просмотров: 23410 Опубликовано: автор: admin размещено в: Ургъун бахъараб

Добавить комментарий

You must be logged in to post a comment.