Хъазазе тIукъби

просмотров: 78394 Опубликовано: автор: Патимат Амаева размещено в: Лъугьа-бахъараб | Оставить комментарий  

Хъазазе тIукъби

Лъарал рагIалда мина бан лъугIарабго Къебедида ракIалде ккола хъазал хьихьизе. Риидал гIемер хъулухъ гьабизе кколарилан, базаралде анщинахъе росун,
кIудияб къукъа гIола гьезул. Амма кьин тIаде щвараб мехалъ кваналеб жоялъул xIал кIоларого букIин гуребги, лъарада чIвараб цIородасан, хинлъи бугеб
ва кваназе жо бугеб бакIалде кодор ккун щвезаризе кколаан, цIородасан хъещтIон бажаруларого. Читать далее


Налъи лъугIуларо….

просмотров: 39434 Опубликовано: автор: admin размещено в: Лъугьа-бахъараб | Оставить комментарий  

Налъи лъугIуларо.....

Ракьа кIкIвиналде цебе цIудуца цин гIемер жоялъул хIисаб гьабулин абула умумуз. Гьединго абула, дармилъе лъугьиналде цин бухчаялъул бицалъи борцеянги. Гьединал бица-кициял лъаларев цо гьалмагъ щун вуго Хасавюрт базаралде чIужуялъе горде босизе. Берцин бихьараб гордил багьа-къадар кисаялда рекъарабги батичIого гьасул хIукму ккун буго гьебго шагьаралда, автослесарлъун хIалтIулев росуцоясухъе ине ва гьесухъа къарзалъе дагьаб гIарац босизе. Читать далее

«Боря гьадает»

просмотров: 34209 Опубликовано: автор: admin размещено в: Лъугьа-бахъараб | Оставить комментарий  

Боря гадает

Карейцазе мухьдахъ пер бахъизе хIалтIизе унги рукIун, гьениса тIад русунел цо эбел-яс щола Хасавюрт базаралде. ЦIияб-тIокIаб дармихъги балагьулаго базар къотIунел гьазда данде ккола цо цыганай. -Боря гадает! Боря гадает! абун зирхараб гьаракьалъ ахIделаго,хъатикь попугай-хIинчIги ккун ячIуней. Читать далее

ГарцI — МухIума

просмотров: 54156 Опубликовано: автор: admin размещено в: Лъугьа-бахъараб | Оставить комментарий  

ГарцI-МухIума

ГьоцIалъ росулъ йикIун йиго цо Залихайилан гIадан, гьелъул росги вукIун вуго Рихьуниса вачIун чIарав МухIума абурав чи. Жиндирго росулъ гьесул тIокIцIар -гарцI МухIума абун букIун буго. Мискинабго магIишат букIун буго гьезул. Залихае иццде лъадада хадуб араб бакIалдацин ахиралда гурони лъел цIезе щолеб букIун гьечIо.
Гьедин цо къоялъ, рукIкIарб заманалда, лъел цIун ячIунаго гьелда нухда ватун вуго цо чи. Щиб кинан цIехедал, гьев ватун вуго ххамил базарган, ххамал тIад къараб гIорцIенги тIагIун чара хун. Залихаца гьесда абула жиндир росасда лъалин гьеб киб бугебали , жидехъе вилълъаян. Гьеб батанани бащдаб къайи кьезе къотIи базарганасги гьабула. Читать далее

«ХIадурав» Манап

просмотров: 28863 Опубликовано: автор: admin размещено в: Лъугьа-бахъараб | Оставить комментарий  

ХIадурав Манап

Кибе гъугъарабги Гъуни-магIардеян абухъего «БагIарав векьарухъан» колхозалдаги кинабго къваригIел гьечIебщинаб хIалтIи Манапил бетIералде бачIунаан. Колхоз гIачиязул чIчIверу бокьал рахъизеги гьасде, силосалъул гвандабахъеги гьав, магIарда капурго хвараб жоялъул цIоко-тIехь бахъизеги гьасде…Гьединал ва гьезда релъарал,цойги колхозчагIи рахъунареб хIалтIаби гьабизе кидаго гьав пакъирасде буюрулаан пирсидателасги биргадирасги. Читать далее

КIиго дурц

просмотров: 5599 Опубликовано: автор: admin размещено в: Лъугьа-бахъараб | Оставить комментарий  

КIиго дурц

ГIажаибал сверелал ратула цо-цо бакIалда Аллагьасул къадаралъулги гIадамасул къисматалъулги. Гьедин цо магIарул росулъ, инсулги васасулги лъудби — кIиго яц рукIана. Цо пуланаб къоялъ гIиял ирга тIаде щварай якьад ячIуна дурцасухъе: — Я дир вас цIакъ чара тIагIун бугин цо жакъаселъ жиндаса ирга борхун гIияде инарищ абун. Якьадалъул гьари къабул гьабичIони чIужуялъул букIунеб зур-зури цебе чIарав гьавги разилъула вехьлъуде ине.

Росдал гIиял къадар цIакъго дагьаб букIиналда бан,заманго инелде, тира-сверун цIидасанги гъобго ирга тIадеги бачIун ургъалилъе ккарай якьад къокъуна дурцасул рагьде. — Инарищ дир вас магIарде, гьанжеги ирга щун бугин тIаде гьагъал магIие гъурадазул абун.
ЛъикI гьелъухъги гIенеккун, щибго жавабги гьабичIого гьавги кIанцIун тIаде вахъуна. Читать далее

ЩайтIанги васги

просмотров: 47191 Опубликовано: автор: admin размещено в: Ургъун бахъараб | Оставить комментарий  

ШайтIанги васги

Цо пуланаб къоялъ бахъанила шайтlaн къватlибе цадахъ васги вачун. Сапарги бухьанила цо бецIаб рохьобехун, ниятги букIанила васасда рохьил жанаварал рихьизари ва гьезул гIамал-хасият бичIчIизаби. Анила гьел рохьосан цо-цо сваканщинахъе чай гьекъезеги лъалхъулаго.

Цо заманалдасан гьезда данде кканила маймалак. Шайтlaналъ абунила васасда: «Гьале доб рохьил агьлуялдаго бищунго кlyдияб гlaбдал», — илан.
Анила дагьалги дорегlaн, бакканила рукlнисан къватlибе цер. «Гьале доб бищунго сихlираб жанавар», — илан абунила шайтlaналъ васасда. Дагьалъги дорегlaн рилълъанила. Читать далее

«Маймун»

просмотров: 25966 Опубликовано: автор: admin размещено в: Лъугьа-бахъараб | 3 комментарии

Маймун

Цо кIиго анкьалъ цеве Гъизилюрт шагьаралде ккана сапаралъ хъизангун цадахъ,межрайонный пенсионный фондалде гьитIинабго къваригIел тIубазе. ТIад руссуда маршруткаялда гIодор чIедал, нижеда церехун чIун ратана узбеказул лъаларо таджиказул лъаларо цо хъизан-лъимал. Гьезул лъимал ругоан лахIул къенталгIан чIегIерал амма цо роцIараб зобгIан цIикарал беразул лъимер букIана цоялда кодоб ккун,нахънахъги буссун нижей гьимулеб. Читать далее

ХIанчIазул росо

просмотров: 25669 Опубликовано: автор: admin размещено в: Лъугьа-бахъараб | Оставить комментарий  

ХIанчIазул росо

Риидал гьабизе жоги гьечloго вугев Ханту, рагlaд бугеб бакlилан лъел парчиги аскloб лъун, рагьда гleчол гъотloда гъоркь бакlида гloдов чlyн вукlана. Цо заманаялъ гьасда йихьула ягъулаго, ахlдолаго ячlyней якьад. Хехго гьениб аскloб букlaраб басрияб хъабарчаялдасан батlaлъараб къвалги, беразда дурнаби гlaдин цвизарун зодовеги валагьун ахlдола «тle, тle, тle» — ян. Аскloe ячlарай якьад йиххун ялагьун хутlyла гьасухъ. Амма гьав цlaкъ гlaшикълъун гlала-гlaламатал жал гьарун валагьула зодове ва гьоркьо-гьоркьов кверги хьвагlyн «тle, тle» — янги ахlдола.

-Щиб бихьулеб бугеб Ханту, — ян кlaлъала якьад.
-Воре доегlaн къай, лаззат бахъинабичloго. Вахl ле, гьалъул берцинлъи щиб. Тle, тle, тle. Хlанчlaзул росу буго бихьулеб якьад.
-Воре цо дидаги бихьизабе, — ян гьардола якьад.
-Ячlaxa, ма бакlида гloдой чlyн ялагьеха. Читать далее

Сайгъат

просмотров: 25315 Опубликовано: автор: admin размещено в: Ургъун бахъараб | Оставить комментарий  

Подарок

Гьаб иш ккана некlo, ридиги гъоркьго бугеб, тlopахьги тlадго хутlaраб, магlaрулазда гьоркьор эбелал бахькъосалги гьечleб, коммунизмалъул заманалда. Гьебги гlезагlaн божизеги захlматаб къагlидаялда. Божичloгоги кин рукlинел, божулеб гlaдинаб ишги бугелъул. Живго гьанив бицен гьабулев чиги магlaрул мухъилав бахьикъос вуго.

Иш ккана Цlyнтla районалъул Сагьада росулъ, руччабазул годекlaнилан къедаги хъвараб цо авалалда 23 абилеб февралалда. Паша Къурбанил чlyжу Паризаца жиндирго вацгlaлав мадугьаласе -Хантуе Советияб Армиялъул къоги баркун кьуна «кlyдияб сайгъат» тукенчи Сагlидихъаги росун 75 кепкил багьаял бихьиназул шватаби. Кин бугониги «кlyдияб сайгъаталдаса» вохун-хинлъун лъугьана Ханту. Цо рахъалъ ургъелги ккана гьелъие данде кьезесеб сайгъаталъулги. Амма 8-абилеб март тlaде щвезегlaн щибго ургъел гьабичloго чlyн вукlaна. Читать далее