ЩайтIанги васги

ШайтIанги васги

Цо пуланаб къоялъ бахъанила шайтlaн къватlибе цадахъ васги вачун. Сапарги бухьанила цо бецIаб рохьобехун, ниятги букIанила васасда рохьил жанаварал рихьизари ва гьезул гIамал-хасият бичIчIизаби. Анила гьел рохьосан цо-цо сваканщинахъе чай гьекъезеги лъалхъулаго.

Цо заманалдасан гьезда данде кканила маймалак. Шайтlaналъ абунила васасда: «Гьале доб рохьил агьлуялдаго бищунго кlyдияб гlaбдал», — илан.
Анила дагьалги дорегlaн, бакканила рукlнисан къватlибе цер. «Гьале доб бищунго сихlираб жанавар», — илан абунила шайтlaналъ васасда. Дагьалъги дорегlaн рилълъанила.

Бугила къватIибе мацIги рехун цо цIахIилаб бац тира-сверулеб. «Гьале доб рохьобго бишун хъантlaраб жанавар», — илан абунила шайтlaналъ. Гьенисаги дорегlaн анила. Цо рацIцIалъуде щведал, кIийидеги рекъдилаго баккун бачlaнила ци. «Гьуйяя, воре, дир вас, гьаб жанавар бугин бищунго ццидалаб», -иланги абун, хъархъазулъе тIерхьанила шайтlaнги васги.

Цо заманалдасан бахъанила рохьосан гloщтloл кIватIи. Гьаркьидехун ишанги босун анила гьал ралагьизе. Вихьанила гъветl къотlyлев цо чи. Гьевги вихьун, хlинкъадго абунила шайтlaналъ:
“Гьале дир вас , гьаб жанаваралдаса цIакъ цIодорлъи гьабе дуца, гьаб буго бищунго гlaбдалабги, сихlирабги, хъантlарабги ва ццидалабги. Гьеб гIечIелъубе гьаб жанаваралъ жинцаго кIвараб квешлъиги гьабула ва цинги абула: «Пуй, нагlaна батараб шайтlaн! гьабун тараб жо бихьуларищ” абун.)))

Автор Хизри Дидойский
Фото коллаж М.Аварский


просмотров: 47192 Опубликовано: автор: admin размещено в: Ургъун бахъараб

Добавить комментарий

You must be logged in to post a comment.