Хъазазе тIукъби

Хъазазе тIукъби

Лъарал рагIалда мина бан лъугIарабго Къебедида ракIалде ккола хъазал хьихьизе. Риидал гIемер хъулухъ гьабизе кколарилан, базаралде анщинахъе росун,
кIудияб къукъа гIола гьезул. Амма кьин тIаде щвараб мехалъ кваналеб жоялъул xIал кIоларого букIин гуребги, лъарада чIвараб цIородасан, хинлъи бугеб
ва кваназе жо бугеб бакIалде кодор ккун щвезаризе кколаан, цIородасан хъещтIон бажаруларого.

ТIаде щварав росуцояс Къебедие гIакълу кьола:
Къебед, дуца хъазазда тIукъби чIвай, гурони дуца радалги къасиги дуего хIалтIи гIемер гьабулеб буго.
-Мун дида велъанхъуге, гьадинги гIакъубаялъулъ вугин дун.
-Гуро, вац Къебед, дида рагIана гьел цIердасан хьвадизе кIолеб куц. Дуца биинабе хъилги, аскIобго лъе салиги. Биараб хъирулъ хъазазул хIатIалги чIун, хадуса салулъ ччуй, гьел ккола унго-унгоял тIукъби,
щибгIаги гьечIого гьел цIородасан рилълъуна.

Къебедица гьев чиясул гIакълу гIадахъ босана ва «тIукъби чIвазе» байбихьана. Амма бухIараб хъилица хъазазул хIатIал ччукIана.
Росдал гIадамаз, билълъине кIолареб хIайван ккани, Къебедихъе тIукъби чIвазе бачеян абулаан.

Автор: МухIамад Расулов Харахьи росо


просмотров: 78395 Опубликовано: автор: Патимат Амаева размещено в: Лъугьа-бахъараб

Добавить комментарий

You must be logged in to post a comment.